ابوذیّات مصائب الطائرات
راح او نسانی او ما یمر اتعده اربعین اسنینه
دورن وجهچن یا صور صاحبچن امودعینه
مشتاگ اشوفه او ضیّعت ماله وجود ابهل وکت
والمانسیته او دوّرت ما ضنتی هم ناسینه
...
المصایب عوطشن و ادموع یردن
او نجیبه اشگد مسحتی اهموم یردن
البیهن ذایه منّی صبر یردن
او شتلت الصبر بس ما فاد الیّه
...
السهر والفکر ضر بالروح خلهه
العذاب المر علیّه ابسبب خلهه
لزم ایدی الحکیم او گلت خلهه
الالم بالگلب شو تبحث بدیّه
...
تعدّه الدنیا لاکن حنّا بیهه
او معرسه ابعید . ادیهه حنّه بیهه
اضلوعی من حملهه حنّه بیهه
تحسّب برکش اتحمّل علیّه
...
الدهر ناصب عداوه اویای واعلن
او تهمنی ابجرش . مانی ابرای واعلن
رفت بجروحی دون اعضای واعلن
واحس دمعت حزن سابت علیّه
...
ابّطن کاروک هزنی او علی لولی
یولفی و الدهر بالکدر لولی
اعلنهه اویاک انت علی لو لی
اذا انت اویای ما اهاب المنیّه
...
تجافینی او ترد و تحن ومرلک
او ضگت طبعک حلو حامض ومرلک
ابلذیذ النوم تندهنی ومرلک
امن اجیلک بس تظل تدرم علیّه
...
هضمنی الما حفظ عرضه ولد من
طمس حیثیته ما دافع ولدمن
هذاک السایب ابوصخه ولد من
کسر عین العشیره او ذم خویّه
...
غیر اعضاک من لفّاک من جاک
اخوک الّی لبد بالضیج منجاک
بعد اضباع ربعک وین منجاک
تضل خاتل شبه واوی البریه
...
شعاتب و العتب میفید برجاک
الگلب ما هو نحیس ابأدب برجاک
تزامطنی ابعمام او ملک برجاک
البرج زایل اخلاقک صلحه الیّه
...
احس ابوکت مجفی منّه جیلک
او غیر اعضاک یسمر منّه جیلک
تسد بابک ابوجهی منّه جیلک
السبب زعلان لو خایف علیّه
...
نخیت المنتخیله منتخالی
العلی تجرف عذابی منتخالی
خطیت اجبرت گلبی منتخالی
عدو بانگاب صاحب تنهی بیّه
...
ابضمیری یا حضن منساک برباک
ولا اهاب المحن و انعاک برباک
ابّناک انسه المضه و وارضاک برباک
السیف ایبوس بگرابه ابخفیّه
...
جاسم ثعلبی (الحسّانی) 15/03/1400
:: برچسب‌ها:
ابوذیّات مصائب الطائرات ,
:: بازدید از این مطلب : 1187
|
امتیاز مطلب : 0
|
تعداد امتیازدهندگان : 0
|
مجموع امتیاز : 0
عضو شوید
عضویت سریع
آمار مطالب
آمار بازدید
